პროექტი
დეველოპერული კომპანია JB Development ბათუმის ბოტანიკურ ბაღთან, სუბტროპიკულ ზონაში, მულტიფუნქციურ, პრემიუმ-ხარისხის საცხოვრებელ ვილებს აშენებს.
პროექტის სამშენებლო ნაწილი მოიცავს სამსართულიან, უმაღლესი ხარისხის მასალებით აშენებულ ვილას, საკუთარ ეზოს და ტერასას, მიწისქვეშა პარკინგს, ღია აუზს, სპა ცენტრს, ფიტნეს დარბაზს, მინი გასართობ და სარეკრეაციო სივრცეებს. ვილები ერთმანეთისგან განცალკევებულია ორმაგი საყრდენი კედლით, რაც უზრუნველყოფს იზოლაციას და დათბუნება-გაგრილებას. 18-მეტრიანი ღია აუზი წარმოდგენილი იქნება სეზონისთვის დამახასიათებელი ტემპერატურის მქონე წყლით.პარკინგის ადგილი გათვალისწინებულია 16 ავტომობილისთვის. „ა“ ბლოკში განთავსებული სპა-ცენტრი უზრუნველყოფილი იქნება საუნით, ცივი და ცხელი აბაზანებით. ფიტნეს-დარბაზის პანორამული ხედი ზღვასა და მთაზე კიდევ უფრო სასიამოვნოს გახდის ვარჯიშის პროცესს. ტერიტორია სრულად ადაპტირებული იქნება შშმ პირებისთვის. სარეკრეაციო და ღია სივრცეებში გათვალისწინებული იქნება როგორც საპიკნიკე და მოსასვენებელი ადგილები ზრდასრულთათვის, ასევე გასართობი თუ სპორტული კუთხეები ბავშვებისთვის.